İstanbuldakı baş konsulluğumuzun əhatə dairəsi üzrə vətəndaşlarımızın 94,63 faizi seçkidə iştirak edib
Azərbaycanın İstanbuldakı baş konsulluğunun əhatə dairəsi üzrə Türkiyədəki vətəndaşlarımızın 94,63 faizi növbədənkənar prezident seçkilərində iştirak edib. Secki-2024.az saytı xəbər verir ki, bu barədə baş konsulluqdan seçkinin yekunlarına dair yayımlanan açıqlamada bildirilib.
Xatırladaq ki, Azərbaycandan sonra ən çox seçicinin olduğu Türkiyədə növbədənkənar Azərbaycan Respublikası Prezidenti seçkiləri ilə bağlı 5 seçki məntəqəsi fəaliyyət göstərib.
